Introducción:
La razón d'estes xornaes sobre salú mental ye frutu del alcuentru previu d'un grupu de persones concienciaes pa trabayar sobre esti tema dende una perspectiva radical. El simple fechu d'entamar l'alcuentru supón un mediu de autoformación pa nosotrxs mesmxs, de tal manera qu'arriendes de ello buscamos un espaciu onde compartir esperiencies y duldes pa facer frente a los nuesos vacíos y dotanos de ferramientes mayores a la d'enfrentanos al deterioru de la salú mental y a lo que creemos que son les sos causes, al empar que pa esplorar sobre les diverses formes d?encarar los problemes derivaos del mesmu, que güei nun tienen la relevancia que los tratamientos actuales del sistema de salú mental, encontaos éstos en teoríes de tinte bioloxicista que respuenden a los intereses de la siquiatría actual que, como la d'antaño, xuega un papel fundamental nel control social de los individuos y ye títere declarada de la industria farmacéutica.
Na sociedá que nos toca vivir atopamos una realidá enllena de sufrimientu síquicu etiquetáu y escoyíu en trestornos mentales o patoloxíes con nome y apellíos. Creemos que p'acompañar el sufrimientu nun hai que camudar a les persones pretendiendo qu'encaxen nel puzzle a la fuerza, sinón camudar el mesmu, por que naide tenga la necesidá d'encaxar onde nun entra o onde nun quier entrar.
Nesti camín ye necesario tener medios pa encarar lo inmediato, abordando tanto los trestornos mentales severos como otros tipos de sufrimientu síquicu ensin cayer nel erru de dixebralos d'un mesmu prisma, pa nun adoptar postures nin actitúes paternalistes que nos lleven a ?tratar? en llugar de ?acompañar?, al empar que ?ser acompañaxs?.
Abrir un espaciu d'alcuentru y reflexón ente toles persones que quieran participar ye, pa nosotrxs, un mediu y un fin al mesmu tiempu, tanto nunes xornaes onde tenemos la oportunidá de compartir esperiencies con persones que yá lleven trabayando la tema dende va tiempu, como en posibles grupos d?apoyu que puedan formase a partir d'equí.
PROGRAMACIÓN
Vienres 24 de Febreru:
18:30: Presentación de les xornaes
19:00: Tu... ¿tú eres tú?
Actuación teatral d'A pequena compañía de Nenos Enormes. Humor, sátira y llocura al cargu de esti grupu del occidente asturianu.
19:30: Charra ?Del manicomiu a la domesticación de la vida cotidiana?
Charra y posterior alderique que va abordar críticamente la historia de la siquiatría y la so rellación con distintos problemes sociales y personales, recordando esperiencies como la del conflictu nos años 70 nel hospital siquiáticu de La Cadellada, n'Uviéu.
Al cargu de Guillermo Rendueles (siquiatra).
N?acabando va celebrase una pequeña espicha (¡Anímate y trái comida pa compartir!)
Sábadu 25 de Febreru:
11:00: Charra sobre'l TAI (Tratamientu ambulatoriu involuntariu) ?Perspectives contra la medicación forzosa?
Nel mes d'Ochobre de 2008 foi aprobáu n'Alicante un protocolu pol cual les persones ?diagnosticaes d'enfermes mentales? van poder ser obligaes a medicase.
La decisión d'aplicar dichu protocolu yá nun va depender tanto d'un "profesional" de la salú mental como del poder xudicial, y va llevase a cabu con una intervención policial. ¿Qué ye'l TAI?, ¿Cuála ye la situación actual? ¿ Cuáles les perspectives y lluches en contra? ¿Por qué?
Al cargu de compañerxs de Bilbao.
14:00: Xinta
16:00: Charra ?Riesgos, prexuicios y propuestes en rellación a la Salú mental y el Xéneru.
Va falase de cómo afecten nos problemes de salú mental de les muyeres los roles tradicionales y la distinta situación nuna sociedá patriarcal. Los prexuicios de xéneru históricamente influyeron y inflúin nos diagnósticos médicos y na medicalización de la vida de les muyeres. Amás, van afitase propuestes de trabayu pa evitar aquelles diferencies de xéneru nos problemes y el so tratamientu.
Al cargu de la asociación ?Muyeres Re-Cuerdes?.
18:00: Mesa redonda ?Esperiencies de siquiatrizaxs en llucha?
- Asamblea de majaras de Barcelona: Colectivu compuestu por persones que viven o tán sensibilizaes col sufrimientu de tolos graos de la siquiatría oficial y les males práctiques.
- Asamblea de siquiatrizaxs en llucha de Granada: Naz de la necesidá de crear un espaciu de reflexón y llucha frente al sistema y el so llabor na salú mental.
- Asociación Hierbabuena Xixón: Asociación de persones diagnosticaes con enfermedá mental, integrada dientro de la rede del sistema de Salú mental del Principáu d'Asturies.
21:00: Cena-pinchotéu
22:00: Pequeña timba Poéticomental
Del llocu al poeta, del poeta al llocu. Otra vuelta na Madreña, Pablo X, Suárez y Sergio S. Taboada fadrán un repasu pela parte más comprometida del so repertoriu poéticu y versionarán a dellos llocopoetes y marxinales de la hestoria lliteraria con más que probable sorpresa musical.
Domingu 26 de Febreru:
11:00: Radio Nikosia ?Miraes llaterales sobre la llocura?
Emisora de radio llibre de Barcelona formada por persones diagnosticaes d'enfermedá mental qu'utilicen esti mediu pa realizar una mirada a la llocura dende les voces que sufren, conviviendo con ella, careciéndola, allugándola nel llugar de lo normal y redefiniéndola col envís de deconstruir les bases del propiu sufrimientu. Vamos comprobar el proyectu que lleven a cabu en vivo al traviés d'un programa de radiu en directu.
Al cargu de compañerxs de Radio Nikosia dende Barcelona
14:00: Xinta
16:00: Alderique-mesa redonda sobre sicofármacos y centros de menores, cola proyección del documental ?El neñu medicáu?
La medicación nos centros ?terapéuticos? y de reforma xenera persones drogaes dafechu, obligaes a inxerir de manera crónica dosis bien altes de sicofármacos (xenerando graves problemes a las menores, tamién a llargu plazu). Esta medicación llega a usase inclusive como castigu, sumando asina un nuevu mou tantu d'anulación personal como de control social, la camisa fuerza química. Vamos falar tamién de les consecuencies d'esti aislamientu y de les escapatories qu'atopen las menores a esta situación d?encierre y enraizadura.
Entamu al cargu d?Eduardo Romero, falarán delles persones cercanes al trabayu con menores
CSOA LA MADREÑA
Antigua Conseyería de Salú, Xeneral Elorza 32, Uviéu